கடையநல்லூர் அருகே இளம்பெண் மர்மமான முறையில் வீட்டில் பிணமாக தொங்கினார். இதுதொடர்பாக தென்காசி ஆர்.டி.ஓ. விசாரணை நடத்தி வருகிறார்.
கடையநல்லூர் அருகே சொக்கம்பட்டி கரையாளர் காலனியை சேர்ந்தவர் மாரிராஜ்(30). கூலிதொழிலாளி. இவருக்கு திருமணமாகி தாமரை என்ற மனைவி உள்ளார். இந்நிலையில் சில மாதங்களுக்குமுன் சொக்கம்பட்டி கொத்தாளவீரசாமி கோயில் தெருவை சேர்ந்த செல்வி(19) என்பவரை காதலித்து 2வது திருமணம் செய்தார். இருவரும் தனியாக வசித்து வந்தனர். கடந்த 10 நாட்களுக்கு முன் செல்வியை மாரிராஜ், தாமரை வீட்டிற்கு அழைத்து வந்தார். இதனால் பிரச்னை ஏற்பட்டது.
இந்நிலையில் நேற்றுமுன்தினம் தாமரை வீடு வெகு நேரமாகியும் திறக்கப்படவில்லை. இதனால் சந்தேகம் அடைந்த அக்கம்பக்கத்தினர் வீட்டை திறந்து பார்த்தனர். அப்போது செல்வி வீட்டில் தூக்கில் பிணமாக தொங்கினார். இதுதொடர்பான புகாரின்பேரில் சொக்கம்பட்டி சப்&இன்ஸ்பெக்டர் சிபின்ராஜ்மோகன் வழக்குபதிந்து விசாரணை நடத்தி வருகிறார். திருமணமாகி 6 மாதத்தில் இச்சம்பவம் நடந்துள்ளதால் தென்காசி ஆர்டிஓ விசாரணை நடத்தி வருகிறார்.
Tweet
உங்கள் கருத்தைப் பதிவு செய்ய :
Post a Comment